CONTOH TEKS PIDATO BAHASA BALI "PROGRAM LINGKUNGAN CLEAN AND GREEN"
10:37 PM Admin No comments CONTOH TEKS PIDATO BAHASA BALI “PROGRAM LINGKUNGAN CLEAN AND GREEN” Oleh : I G.N.Agung Sandy Warman,S.Pd.H Suksma aturang titiang majeng ring pengeter aca ra indik galah sane kapaica ring titiang ngaturang sambrama wacana mantuka ring ida dane sareng sami. Sane wangiang titiang dewan juri lomba Sane wangiang titiang para uleman sane sampun prasida rauh ring acara puniki Bapak/ Ibu guru pendamping sane sampun ledang nganter para sisia rikala melomba puniki. Sapunika taler majeng ring para sisia sane saren g ngewiletin lomba sane dahat tresna asihin titiang, maka miwah ida dane sareng sami sane ten presida antuk titiang nektek siki-siki sane suksmayang titiang. Sedurung titiang ngaturungang sambrama wacana, ngiring sareng-sareng ngaturang rasa angayubagia mantuka ring Ida Sang Hyang Widhi Wasa duaning sangkaning paswecan Ida iraga presida mapulpul iriki ring acara lomba melarapan antuk nguncarang Pangastung kara: Om Swastyastu Inggih, menawi ida dane sareng sami sampun uning indik kewentenan jagat Bali puniki. Jagat Bali magenah ring panegara Indonesia. Jagat Bali kewangun antuk kutus (8) kabupaten miwah kota asiki. Pekaryan sane kemargiang olih para jana ring Bali luwir ipun Petani, undagi, bendega, pengangon, perbankan, tur sane lianan. Tiosan ring punika wenten bidang sane silih sinunggil presida ngerajegan pembangunan ring Bali inggih punika Pariwisata. Indik kewentenan pariwisata ring Bali sampun kasub ke dura negara. Punika mawinan akeh wisatawan sakeng Amerika, Eropa,Afrika, Asia miwah Australia sane melancaran ke jagat Bali puniki. Wisata sane kasub kasenengin olih para wisatawan domestik miwah dura negara inggih punika wisata alam miwah tradisi-tradisi sane kemargiang ring Bali. Inggian tradisi Bali sane kasenengin olih para wisatawane sekadi sekad i Ngaben, Melasti miwah sane tiosan. Ping kalih indik wisata alam sane kasenengin sekadi Rafting, R afting, Tracking, cyrcling miwah nyingakin kewentenan alam sane kantun asri sekadi ring kintamani, batur, uluwatu, alas kedaton, air t erjun nungnung, air terjun gitgit, miwah sane lianan. Inggih ida dane sane wangiang titiang, duaning kadi asapunika buat kewentenan alam ring Bali sane sampun presida ngewangun ngewangu n pariwisata, patutne iraga setata ngelestariang kewentenan alam punika. Inggian pemargi sane presida kaanggen jalaran ngelestariang alam punika akeh. Silih sinunggil sekadi program sane sampun kamedalang olih guru wisesa inggih punika “Program Clean and Green”. Kruna Clean and Green ring basa indonesia madue arti Bersih dan Hijau. Suksman Program Clean and Green punika ngutsahayang mangdane jagat Bali setata bersih miwah alamnyane asri. Yening alam sampun asri pastika sampun byuta sane kasengguh pemanasan global nenten pacang nibenin jagat bali, tur angin sane kairup nenten keni
polusi duaning kewentenan asep miwah gas sane berbahaya sampun kesaring olih taru-taru sane wenten. Sapunika taler yening alam lingkungan sampun bersih pastika pekantenannyane becik tur ngawinang iraga sehat rikala maurip pamekasn e ring jagat Bali. Lianan ring punika, yening jagat Bali sampun bersih tur alamnyane asri pacang presida ngundang para wisatawan sayan ngakehang rauh melancaran ke Bali. Sakemaon ngantos mangkin lingkungan miwah alam ring Bali durung mecihna bersih tur asri. Titiang maosang kadi asapunika duaning sering sampun kecingak wenten anak sane kantun ngerusak alam sekadi nebang taru tanpa ijin miwah ngentosin carik dados wewangunan. Ring kebersihan lingkungan taler durung mecihna memargi duaning sekadi ring kota-kota kantun akeh luhu sane mauyang tur kewentenan tukad sane daki tur tercemar. Yening pariindike puniki nenten ketanganin pastika pacang ngawinang para wisatawan sane rauh ke Bali sayan ngidikang punika taler kesehatan masyarakat nenten terjamin. Inggih ida dane sareng sami sane banget suksmayang titiang, mangdane byuta kadi punika nenten nibenin Bali iraga patut sungkem tur sareng-sareng ngemargiang Program Clean and Green punika mawit saking iraga sekadi mebersih ring pekarangan, mebersih ring margi sane wenten ring ajeng genah iragane tur patutune nandur taru ring sisin margi miwah ngelestariang carik utawi penegalan. Sapunika taler yening dados sisia, iraga patut setata mebersih miwah ngelestariang tetamanan ring lingkungan sekolah. Yening iraga sampun ngelaksanayang punika mawit saking angga soang-soang pastika Program Clean and Green pacang presida kemargiang, ngentur raris kebersihan miwah kelestarian alam ring Bali pacang presida ketincapang. Inggih ida dane sareng sami sane wangiang titiang, wantah asapunika presida antuk titiang ngaturang sambrama wacana puniki, yening prade wenten kirang langkung atur titiang sane nenten mungguh ring pekahyunan ida dane titiang nunas geng rna sinampura. Pinaka pamuput atur titiang ngaturang prama santih Om Santih Santih Santih Om
PENGEMBANGAN DIRI NYASTRA MIWAH DHARMA GITA PINAKA SILIH SINUNGGIL SAKA RING AJEG BALI
Inggih suksma aturang titiang majeng ring pangeter acara antuk galah sane kapaica ring titiang. Sane wangiang titiang Bapak manggalaning pemerintahan Sane wangiang titiang Bapak camat Baturiti Sane wangiang titiang Bapak ibu panureksa - Sane wangiang titiang para sisia sane sareng ngewiletin lomba pidarta puniki - Tur ida dane sareng sami sane sampun rawuh sane tresna asihin titiang Sadurung titiang jaga ngelanturang atur, pinih ajeng lugrayang titiang ngaturang panama bagian manah majeng ring ida sang hyang widi wasa, pamekasnyane ring ida sang hyang haji saraswati melarapan antuk ngaturang pangastung kara: "OM SWASTYASTU" Inggih ida dane sane dahat wangiang titiang, pastika ida dane sampun tatas uning ring kewentenan jagat bali sane kasinengguh swarga ring palemahan. Indike punika sampun wyakti kasub kabaosin olih para janane sane wenten ring sawewengkon panegara Indonesia, miwah para jana ring dura Negara. Napi ke sane ngawinang jagat Bali kabaos swarga sekala?, dwaning kewentenan alam sane kantun asri sane presida ngawinang angob sang sane menyingak, turmaning kewentenan tradisi sane sampun kemargiang ring jagat Baline puniki. Duaning kadi asapunika buat kautaman tradisi miwah keasrian jagat ring Bali, sepatutnyane iraga dados silih sinunggil warga Bali setata miara, ngelestariang turmaning ngelimbakang maka sami. Napi malih ring kewentenan jagat sekadi mangkin, akeh wyakti para jana sane rawuh kejagat Bali makta tatujon sane matiosan, sekadi wenten sane melancaran turmaning wenten taler sane jaga ngerereh pangupa jiwa. Indike punika pastika sampun presida pacang nyampuhin indik keaslian tradisi miwah keasrian jagat Bali. Akeh conto sane presida kecingak ring pariindik kewentenan tradisi sane sampun kecampuhan, minakadi akeh para alit-alite sane nenten resep ring anggah ungguhing basa Bali napi malih ring nyuratang aksara Bali. Inggih ida dane sareng sinamian, yening indike punika nenten ketanganin pastika budaya, adat miwah tradisi Bali pacang sayan-sayan surup tur kebenjang pungkur pacang ngicalang. Mangda indike punika nenten wenten, ngawit saking mangkin iraga sareng sami sepatutnyane setate mautsaha ngelestariang budaya, adat miwah tradisi bali mangda presida raris kasengguh ajeg Bali. Jalaran sane keanggen ngelestaring budaya bali punika akeh pisan, silih sinunggil ring lingkungan sekolah patut ngemargiang sane kebaos "Pengembangan diri Nyastra, Dharma gita" tur sane tiosan. Ring pemerintahan patut taler ngemargiang tur nincapang program sane manut ring budaya Bali sekadi Utsawa Dharma Gita. Inggih ida dane sane wangiang titiang, wantah kadi asapunika presida antuk titiang mapaungu atur dumogi dumadak wenten pikenohnyane, turmaning unjuk lungsur atur titiang titiang ngaturang geng rna sinampura. Pinih untat, atur titiang kasineb antuk ngaturang parama santih. OM SANTIH SANTIH SANTIH OM
